Ilusioa eta konpromisoa: bereizten gaituzten balioak
METODOLOGIA
Haurra bere ikaskuntzaren jabe denez, bera da bere garapenaren protagonista. Haurraren globaltasuna hartzen dugu kontuan.
JARDUERAK
Jolasa funtsezkoa da haurraren garapenean, ingurua ezagutzeko duen tresna nagusia denez jolasaren bidez azalaraziko du bizi duena.
ZERBITZUAK
Pausoka 07:30etik 18:00ak arte zabalik dago eta eskolan prestatzen ditugu gosari, bazkari eta askariak, garaian garaiko produktu freskoekin.
INSTALAZIOAK
Ezagutu itzazu adin tarte bakoitzarentzat egokitutako gelak, sehaska gela, amona Josefinaren txokoa, jangela, patioa, psikomotrizitate gela...
Familia
Haurraren hezkuntza prozesuan, familiarekin batera bidelagun izango gara gu ere. Pausokan, haurrari bigarren etxe bat eskaini nahi diogu, eroso sentiarazteko etxea eta konfiantzazko giroa. Familia prozesu guztian zehar partaide izatea da gure nahia.
Lantaldea
Familia, haurra eta hezitzailea elkarrekin hasi dira bidea egiten. Gurasoak ez daudenean, hezitzailea izango da egunerokotasun honetan haurraren bidelagun. Hezitzailearen lan egiteko era haurraren beharretara egokitzen dugu, horrela egonkortasuna bermatuz. Aldaketei, loari eta jatorduei behar duten garrantzia ematen diegu.
Jangela
Elikagai orekatuak haurrarengan duen garrantzia jakinda, osasunaren alde egiten dugu bertako eta garaiko produktuak erabiliz. momentu bereziak direnez, hezitzaileak haurraren nahiak ezagutu eta errespetatuko ditu (kantitatea, tenperatura, erritmoa, noiz amaitu…).
